ՌԴ-ում տղամարդը կրակել է Ռոսգվարդիայի աշխատակիցների վրա եւ ինքնասպան եղել
Կրասնոդարի երկրամասի Սլավյանսկի շրջանում ատրճանակով զինված հարբած տղամարդը հարձակվել է Ռոսգվարդիայի աշխատակիցների վրա: Այս մասին «Ինտերֆաքս»-ին հայտնել են ՆԳՆ տարածքային վարչությունից:
«Նախկինում դատապարտված, 1974 թվականին ծնված տղամարդը, ալկոհոլի ազդեցության տակ, Մոսկվայի ժամանակով 08:45-ին ներթափանցել է հսկվող տարածք, որից հետո միացել են ազդանշանները: Երբ ժամանել են Ռոսգվարդիայի աշխատակիցները, նա փակ դռան ետեւից կրակ է բացել նրանց ուղղությամբ»,-նշել են տարածքային վարչությունից:
Այնուհետ տարածքը շրջապատել են, իսկ շրջակա տարածը՝ շրջափակել: Որոշ ժամանակ անց տղամարդն ինքնասպան է եղել: Դեպքի հանգամանքները քննվում են: