Շաքարը կործանարար է ազդում սեքսի վրա
Գիտնականները հետազոտել են շաքարի ազդեցությունը մարդկանց սեռական կյանքի վրա։ Պարզվել է, որ շաքարն ունակ է մասնակիորեն, իսկ որոշ դեպքերում էլ՝ ամբողջովին փչացնել սեռական կյանքը, հայտնում է Oane-ը ։
Հետազոտողները հայտնաբերել են օրինաչափություն շաքարի գործածման ու մարդկանց սեռական ակտիվության միջեւ։ Մեծ քանակությամբ գործածվելու դեպքում շաքարը վնասակար է թե տղամարդկանց, թե կանանց համար։ Արյան մեջ դրա չափաբաժնի գերազանցումը հանգեցնում է զանազան հիվանդությունների, որոնք խախտում են սեռական ռիթմը ու ինտիմ մտերմությունը ոչ միայն բարդ, այլեւ ցավագին պրոցես դարձնում։
Տղամարդկանց մոտ շաքարի գործածումից նվազում է լիբիդոն, իսկ ամենալուրջ հետեւանքներից մեկն էլ անպտղության զարգացումն է։
Կանայք նույնպես կարող են սեքսի հետ կապված խնդիրներ ունենալ շաքարի չարաշահման պատճառով՝ օրինակ տհաճ զգացողություններ հեշտոցի մասում ՝ այդ թվում քոր, այրոց ու ցավեր։ Դրանց պատճառը շաքարի հետեւանքով արյան մեջ միկրոշրջանառության խախտումն է, ինչը հանգեցնում է խանգարումների սեռական կյանքում։ ԲԱցի դրանից գիտնականները նկատել են կապ շաքարի գործածման չարաշահման եւ կանանց մոտ կաթնասնկի առաջացման միջեւ։