1USD = AMD
1EUR = AMD
1RUB = AMD
Այսօր՝ 24 նոյեմբերի 2017թ., 00:00
Ադրբեջանական արդարադատությունն, այնուամենայնիվ, հասավ փոխվարչապետի թոռանը Մերկել. Մեզ համար ակնհայտ է Հայաստանի եւ Ադրբեջանի հետ հարաբերություններում ՌԴ առանցքային դերը Լեհաստանի խորհրդարանը հատուկ բանաձեւ է ընդունել հայերի մասին Րաֆֆի Հովհաննիսյանը Բրյուսելում հանդես է եկել ելույթով Մնանգագվան ստանձնել է Զիմբաբվեի նախագահի պաշտոնը Սեւան-Ծովագյուղ հատվածում ուշադիր եղեք՝ մերկասառույց է Ադրբեջանում է Թուրքիայի ՌՕՈւ պատվիրակությունը Արոնյանը գլխավորում է մրցաշարային աղյուսակը «Ո՞վ պետք է ընդունի Ադրբեջանի այդ դժվար ձևակերպումները» Ղազախստանում կարգելեն դեմքը ծածկող հագուստը Մոուրինիոն Մխիթարյանի փոխարեն ցանկանում է տեսնել Գրիզմանին Ումա Թուրմանը` սեռական բռնության «զոհ» Վանում, Սասունում և Մուշում տեղացել է տարվա առաջին ձյունը, եղանակային պայմանների պատճառով փակվել են դպրոցներ (ֆոտոշարք) Կիևում Լինչի դատաստանի են ենթարկել տարեց վարորդին, ով կայանել էր մեքենան և գնացել սուպերմարկետ (տեսանյութ) Ճապոնիայում երկնաքարի անկումը վախեցրել է բնակիչներին (տեսանյութ) Մերկել. Մեզ համար ակնհայտ է Հայաստանի եւ Ադրբեջանի հետ հարաբերություններում ՌԴ առանցքային դերը Ադրբեջանցիներին զայրացրել է հեռուստամարաթոնը XVIII դարի հայկական բաղնիքի վերականգնման համար Թուրքիան 3 մլն դոլար է հատկացրել Օդի ջերմաստիճանն առաջիկա կշարունակի նվազել. որոշ տեղերում կհասնի մինչև -20-ի Նոր մեղադրանքներ Արմեն Ջիգարխանյանի կնոջը (Տեսանյութ) Մխիթարյանի ֆեյսբուքյան էջը կոտրե՞լ են (Լուսանկար) Արխանգելսկում դպրոցականների սեքսը սկանդալ է առաջացրել Ղրղզստանում նախագահն արդեն Սոորոնբայ Ժեենբեկովն է Ռուսաստանում կկրճատեն օտարերկրացիների թիվը Ս․ Սարգսյան․ Երբեք ՌԴ նախագահից կշտամբանք չեմ լսել ԵՄ-ի հետ մեր համագործակցելու առումով Արեւելյան գործընկերության գագաթնաժողովն ուղիղ եթերում «Հայաստան» հիմնադրամի «Հեռուստամարաթոն-2017»-ի արդյունքում՝ 12 միլիոն 505 հազար 456 դոլար Բրյուսելում մեկնարկում է ԵՄ Արևելյան գործընկերության գագաթնաժողովը ԵԺԿ-ն հորդորում է հարգել 1994-95թթ․ զինադադարի համաձայնագրերը Սեչինը քննիչներին հայտնել է, որ Ուլյուկաևը իրենից 2 միլիոն դոլար կաշառք է ուզել Իրանը թույլ տվեց կին ծանրամարտիկներին մասնակցել միջազգային մրցաշարերին Ինչու է «Արմավիր» ՔԿՀ կալանավորը հրկիզել պատժախուցը. Նա առաջին անգամ չէ նման քայլի գնում Լարս ավտոճանապարհը ծանրաքաշ մեքենաների համար փակ է Որքա՞ն արժեն Պուգաչովայի, Սոբչակի, Լեպսի եւ այլ ռուս աստղերի ելույթներն Ամանորին Տավուշում գործազուրկների 62,9%–ը կանայք են Սաուդյան գահաժառանգ արքայազնը խոսել է կոռուպցիայի դեմ պայքարի մասին Նախկին պատգամավորի որդուն պաշտոն տվեցին. որքան է նրա ունեցվածքը Հայաստանի ճանապարհներին տեղ-տեղ առկա է մերկասառույց Թուրքիայում հեքիմը կապել է աղջկա աչքերը եւ «բուժման նպատակով» շոյել նրա կրծքերը Ադրբեջանում հարցման մասնակիցների մեծ մասը Եվրոպայի խորհրդից հնարավոր ելքը հարված է համարում երկրի հեղինակությանը Երեւանի Կենտրոնի փողոցներից մեկը շուտով կկոչվի Հնդկաստանի փողոց ԵԺԿ գագաթաժողովում ընդունված հռչակագրում անդրադարձ է եղել նաեւ ՀՀ-ԵՄ սպասվող համաձայնագրի ստորագրմանը Թուրքիայում մայրը խեղդել է իրեն հարեւանի հետ անկողնում տեսած իր 10–ամյա որդուն ՏԻՄ ընտրություններից հետո լարված իրավիճակ Վայոց ձորում. ուժային ճնշումներ են սկսել, սպառնում են Թոխմախի Մհերը հարթել է հարաբերությունները ՀՀԿ-ի հետ Կարագը կրկին թանկացավ. այս անգամ 550 դրամով, կամ՝ 14 տոկոսով Կանայք Հյուսիսային Կորեայի բանակում. բռնաբարություններ, հակահիգիենիկ պայմաններ, սով Հայաստանի հավաքականը հաղթեց ալբանացիներին Թուրքիայի նախագահը 65 տարի անց կրկին կմեկնի Հունաստան Սերժ Սարգսյանը Բրյուսելում հանդիպել է «Հայաստանի եվրոպացի բարեկամների» հետ Սանկտ Պետերբուրգում բռնաբարել են երկու տասներորդ դասարանցիների Ֆելայնին հոգնել է Մոուրինիոյի կամակորություններից ՌԴ ԱԳՆ-ն մեկնաբանել է Ղարաբաղի հարցի շուրջ «Պուտինի պլանի» մասին լուրերը Սերժ Սարգսյանը հանդիպել է Բելգիայի թագավոր Ֆիլիպի հետ «Բարսելոնան» եւ «Յուվենտուսը» կխաղան հաջորդ փուլում Կինը մերկ մտավ առեւտրի կենտրոն, բայց ոչ բոլորը դա նկատեցին (Տեսանյութ) «Չելսին» չսիրեց Ադրբեջանի չեմպիոնին Եկատերինա Կլիմովան իր երկրպագուներին ուրախացրել է անկեղծ լուսանկարով Իրանը կատարում է միջուկային գործարքի պարտավորությունները Կելտերի սխալը չներեցին փարիզցիները Միջազգային կազմակերպությունները Իլհամ Ալիեւից պահանջում են վերջ դնել բռնաճնշումներին Մերկանում են արդեն նաեւ ղազախ դերասանուհիները Թուրքիան Գյուլենին արտահանձնելու համար 7 անգամ դիմել է ԱՄՆ–ին Ինչու Մոուրինիոն չի սիրում Մխիթարյանին Պուտինը վայր է գցել Էրդողանի աթոռը Եղանակը Հայաստանում Սերենա Ուիլյամսը ցուցադրել է Ալեքսիս Օհանյանից ստացած 2 մլն դոլարանոց ամուսնական մատանին Ամերիկահայ գրող Փիթեր Բալաքյանը ու այլազգի 55 մտավորականներ նամակ են հղել Էրդողանին ՌԴ Պետական դումայի նախագահը չեղյալ է համարել Ադրբեջան այցը ՆԱՏՕ-ն անհանգստացած է ԼՂ հակամարտությունով Ռուսաստանի ֆուտբոլի ազգային հավաքականի դարպասապահը պատմել է, որ իր մայրը հայուհի է Երկամյա որակազրկումից հետո ծանրորդ Հռիփսիմե Խուրշուդյանի հաջորդ մրցումը կլինի ԱԱ 2018-ը Հայաստանի զարգացման հեռանկարների մասին. Ինչ է հուշում համաշխհարային փորձը Մաս 1 Ձյունամրրիկի միջով դպրոցից տուն վերադարձող յակուտացի աշակերտների տեսանյութը զարմացրել է համացանցի օգտատերերին (տեսանյութ) Սոչիում միջադեպ է տեղի ունեցել Իրանի ու Թուրքիայի պատվիրակությունների միջև Բրյուսելում հանդիպել են ՆԱՏՕ-ի գլխավոր քարտուղարը և Ադրբեջանի նախագահը Դատախազ եղբայրները ծեծի են ենթարկել քննիչին Հոգնել է իր անվան հետ կապված աղմուկից. Արմեն Ջիգարխանյանի ընկերը հերքել է նրա հոսպիտալացման մասին լուրը Բենզինը կրկին թանկացել է Հրդեհ Վանաձորում ռեստորաններից մեկում
Հարցում

Երբ չեն նկատում անկախ Հայաստանը

Ռուսաստանյան հեղինակավոր լրատվամիջոցների ուշադրության կենտրոնում վերջին օրերին հայտնվել է «Արարատ» անվանումով ֆուտբոլային ակումբը, բայց խոսքը ոչ թե Երեւանի, այլ Մոսկվայի «Արարատի» մասին է: Եւ խոսքը ոչ թե հաջողությունների , այլ սկանդալի մասին է:

Դեպքերի հաջորդականությունն առանց մեկնաբանությունների: Ամիսներ առաջ Մոսկվայում մեծ շուքով կազմավորվեց « Արարատ» թիմը, որի կորիզը կազմեցին Ռուսաստանի թոշակառու մի խումբ ֆուտբոլիստներ։

Օրեր առաջ թիմի գլխավոր մարզիչ Ալեքսանդր Գրիգորյանը, պնդում էր, որ այս մրցաշրջանում երկրորդ խմբում հայտնված «Արարատի» վերջին խաղը կլինի «Ռյազանի» հետ: Իսկ երբ ակումբի ղեկավարությունն օրեր առաջ հայտնեց, որ հանդիպման մուտքը տոմսերով չէ, գրեթե բոլորը հասկացան, որ թիմը լուծարվելու է:

Դրանից առաջ էլ Մոսկվայի «Արարատի» հիմնադիր ու ակումբի նախագահ Վալերի Հովհաննիսյանը հրաժարական է տվել եւ փախել ակումբի հաշվին եղած 20 միլիոն ռուբլին հետը տանելով։

Հետո նա հայտարարեց, որ թիմը չի լուծարվում. «Արարատում» ամեն բան լավ է, թիմը շարունակում է իր գոյությունը, սակայն ակումբում տեղի են ունեցել փոփոխություններ: Ես դուրս եմ գալիս ակումբի ղեկավար կազմից, իսկ իմ փոխարեն գլխավոր տնօրենը կլինի Իգոր Կորոտկովը:
Ես ակումբի բաժնետոմսերի 100 տոկոսը տալիս եմ ազգին, որպեսզի Կորոտկովը զբաղվի դրանց ճիշտ բաշխումով: Ես վստահում եմ նրան:
Մեր՝ Երկրորդ խումբ դուրս գալուց հետո, ակումբին օգնել է Արամ Գաբրելյանովը: Իմ հույզերի համար ցանկանում եմ ներողություն խնդրել Արամ Գաբրելյանովից, «Արարատի» երկրպագուներից, ֆուտբոլիստներից ու աշխատակիցներից: Նրանք գիտեն՝ ինչպիսի մարդ եմ ես: Ես կարող էի ավելորդ բաներ ասել, սակայն դա չեմ անում նրա համար, որ ակումբն օտար չէ ինձ: Հաջողություն եմ մաղթում այս թիմին»,- Վալերի Հովհաննիսյանի խոսքը մեջբերել է «Չեմպիոնատը»:

Արամ Գաբրելյանովը հաստատել Հովհաննիսյանի խոսքերը, ասելով, թե թիմը շարունակելու է ելույթները, եւ որ ինքը ղեկավարությունը հանձնում է Կորոտկովին՝ մինչ բաժնետիրական համակարգի ձեւավորումը:

Հիմա, երբ արդեն պարզ է, որ թիմը շարունակելու է ելույթները, ցանկանում ենք մի շատ նուրբ եւ կարեւոր հարցի անդրադառնալ:

Իրավունք ունե՞ն, արդյոք, ռուսահայ գործարարները օգտագործել «Արարատ» անվանումը։ Ո՞ւմ է պատկանում այդ ապրանքանիշը։ Ի՞նչ գործարք կամ պայմանավորվածություն կա այս հարցում։ «Արարատը» բրնեդ է, համաժողվրդական ապրանքանիշ եւ ոչ ոք իր մոսկովյան կայֆերի համար իրավունք չունի այն օգտագործել։

Երկրորդ. ինչո՞ւ են հայ գործարարներն այդքան գումար, միջոցներ ծախսում օտար երկրի առաջնությունում հայկական անվանումով թիմ պահելու համար եւ մատը մատին չեն խփում ազգային հավաքականն ուժեղացնելու եւ հայկական ակումբային ֆուտբոլը զարգացնելու համար:

Գաբրելյանովը ասում է, թե իրենք ցանկանում են միավորել հայ գործարարների, սփյուռքի ջանքերը Մոսկվայի «Արարատի» շուրջ:

Անկեղծ լինենք, այնպիսի տպավորություն է, որ հայկական պետություն գոյություն չունի, Հայաստանն աշխարհի քաղաքական քարտեզից անհետացել է եւ հայությանը միավորում են արտերկրում ստեղծված եւ մեր ամենասիրելի թիմի անունն օգտագործած ակումբին աջակցելով: Ի դեպ, նույն ինքը Գաբրելյանովը ասում է, թե իրենց թիմն անվանակոչվել է ի պատիվ ԽՍՀՄ չեմպիոն դարձած «Արարատի»:

Ի՞նչն է խանգարում հայ գործարարներին, մեծահարուստներին աջակցել Հայաստանի ազգային հավաքականին, Երեւանի «Արարատին», Գյումրիի «Շիրակին», մյուս թիմերին: Ինչն է խանգարում Հայաստանում բացել եւ ֆինանսավորել հայկական ակումբ եւ նրանով ձեռք բերել հաջողություններ Եւրոպայում։

Սա՞ է մեր հուժկու պատասխանը Ադրբեջանի «Ղարաբաղի» ՉԼ խմբային փուլում հայտնվելուն։

Հայ ժողովրդին միավորելու համար կարիք չկար Ռուսաստանում հայկական անվանումով թիմ ստեղծել, ընդամենը պետք էր աջակցել հայկական ֆուտբոլին, մեր հավաքականին:

Ադրբեջանը Չեմպիոնների լիգայի խմբային փուլում արդեն թիմ ունի: Մենք եւս կարող էինք ունենալ, եթե մեր մեծահարուստ հայերը գոնե մի փոքր պետական մտածողություն ունենային եւ մի փոքր գիտակցեին, թե ինչ հարստություն եւ պարգեւ է անկախ պետությունը, եւ թե որքան է բարձրացնում իրենց կարգավիճակն արտերկրում:

Իսկ ինչ են անում հայ մեծահարուստները: Տարբեր գնահատականներով ամսեկան մեկ միլիոն ռուբլի աշխատավարձ են տալիս տարեց, երեսունն անց նախկին ռուսաստանյան աստղերի: Իսկ թե հետո ինչ են անելու, գուցե իրենք էլ չգիտեն: Ռուսաստանյան որոշ լրագրողներ հեգնանքով գրում են, թե այս կարգի ակումբները տասը տարուց ավելի կյանք չեն կարող ունենալ եւ օրինակներ են բերում: Այսօր Երկրորդ խմբի Կենտրոն ենթախմբում առաջատարը Մոսկվայի «Արարատ» ակումբն է, բայց դա դեռ ոչինչ չի նշանակում:

Մեզ, սակայն, հետաքրքրում է ոչ թե ռուսաստանյան այս թիմի ճակատագիրը, որին հովանավորում են հայերը, այլ թե ինչու հայ գործարարը չի ցանկանում աջակցել անկախ Հայաստանին եւ անկախ Հայաստանի ֆուտբոլին:

Գաբրելյանովը խոստովանում է, որ այսօր թիմի բյուջեն 150-180 միլիոն ռուբլի է: Այս գումարով Հայաստանում երկու բավական նորմալ մակարդակի թիմ կարող էին ունենալ:

Ավելացնենք, որ «Արարատ» անունով ռուսաստանյան թիմը խնդիր է դրել հայտնվել հզորությամբ երկրորդ ուժեղագույն խմբում ՖՆԼ-ում, իսկ այդ ժամանակ բյուջեն պետք է լինի առնվազն 500 միլիոն, եւ հայ գործարարները պատրաստ են այն ծախսել: Նպատակը երեք տարվա ընթացքում Պրեմիեր լիգայում հայտնվելն է, իսկ այնտեղ ամրապնդվելու համար մեկ միլիարդ է անհրաժեշտ:

Հիմա մոտավոր հաշվեք եւ պատկերացրեք, թե այդ գումարի գոնե կեսի ներդրման դեպքում ինչ առաջընաց կարձանագրեր հայկական ակումբային ֆուտբոլը եւ իհարկե, նաեւ ազգային հավաքականը: Հիմա կրկնենք նույն հարցը՝ ինչո՞ւ հայ գործարարները գումար չեն ցանկանում ներդնել հայաստանյան ակումբների եւ ազգային հավաքականի վրա: Գուցե մեղավորը ոչ միայն նրանց մտածողությունն է, այլ Հայաստանի իշխանություննե՞րը: Եւ մի ՀՀ իշխանություններին. ինչո՞ւ ոչ մի քայլ չեք արել, որ արտերկրում, այն էլ հայերի նախաձեռնությամբ «Արարատ» անունով ակումբ չստեղծվի: Չեք կարծո՞ւմ, որ «Արարատ» անվանումն անձեռնմխելի է, չե՞ք կարծում, որ այդ անունով թիմի ստեղծումը եւ հայերի կողմից դրա ֆինանսավորումը նշանակում է, որ մենք չենք հավատում մեր պետության վաղվա օրվան, անգամ գոյությանը:

Այսպիսի անգործության եւ այս մտածողության տարածման դեպքում շատ շուտով ինչ որ մեկը Տյումենում կբացի «Շիրակ» ակումբը, իսկ Իրկուտսկում՝ «Բենտոնիտը», հատկապես, որ արդեն Կալուգայում եղել է «Տաշիր» անվանումով թիմ:

Ռուսաստանյան մամուլն արդեն գրում է, որ Մոսկվայի «Արարատին» բացի Գաբրիելյանովից պատրաստվում են ֆինանսավորել Սամվել Կարապետյանը եւ «Ավիլիոնի» համասեփականատեր Կամո Ավագումյանը:

Տեսեք, թե ինչ է ասել Արամ Գաբրելյանովը ռուսաստանյան լրատվամիջոցներից մեկին. «Իմ համար միշտ երկու թիմ է եղել «Սպարտակը» եւ «Արարատը»: «Սպարտակն» արդեն կա, իսկ «Արարատը» դեռ պետք է ստեղծենք»: Ահա այսպես: Գաբրելյանովի համար Երեւանի «Արարատը» գոյություն չունի: Սա ոչ այնքան Գաբրելյանովի, այլ հայկական պետության մեղավորությունն է, որ չեն կարողանում լեզու գտնել արտերկրի մեծահարուստ հայերի հետ եւ ներդրումների համար համապատասխան հենք եւ վստահություն չեն ստեղծում:

Հայակական պետությունն այս դեպքում պետք է ավելի խիստ եւ վճռական լինի եւ զսպի որոշ հայ մեծահարուստների կայֆերը, հակառակ դեպքում նրանք Հայաստանի կամ հայկական աշխարհի հավաքական կստեղծեն, որը կմասնակցի չճանաչված երկրների առաջնությանը ուրախացնելով հայրենիքի, պետության արժեքը չիմացող տարօրինակ հայրենասիրությամբ փայլող հայ գործարարներին:

Գաբրելյանովն ասում է, թե իրենց երազանքի մոդելը «Տոտենհեմն» է, որը հիմնադրել են հրեաները եւ սկզբնական շրջանում այնտեղ խաղում էին միայն հրեաները, բայց հետագայում այն դարձավ շատերի սիրելի ակումբը եւ այնտեղ խաղում էին ոչ միայն հրեաները: Եւ եթե օրինակ վերցնում են այս թիմից, ապա պետք է գոնե նկատեին, որ այդ թիմի անունը ոչ թե «Սիոն» է, այլ «Տոտենհեմ»: Մի կարեւոր դիտարկում եւս. «Տոտենհեմը» ստեղծվել է 1882-ին, երբ չկար հրեական անկախ պետություն, իսկ Մոսկվայի «Արարատը» հիմնադրվել է 2017-ին, երբ անկախ Հայաստանի Հանրապետությունն արդեն 26 տարեկան էր: Ստացվում է, որ ռուսաստանահայ գործարարները չեն նկատում անկախ Հայաստանը:

Ի դեպ, հիմա արտերկրում ապրող հրեաները նման ակումբներ չեն ստեղծում, այլ աջակցում են իսրայելյան թիմերին եւ Իսրայելի հավաքականին: Մնում է, որ հայ գործարարներն ամբողջովին ընդօրինակեն հրեա գործընկերներին եւ առաջին հերթին սովորեն աջակցել իրենց ազգային պետությանը:

Գեղամ Նազարյան
Քաղաքագետ

website by Sargssyan