«Արցախն ուրացողը դավաճան է» ասելուց հետո Գեղամ Մանուկյանին ուժայինները հեռացրին ԱԺ ամբիոնի մոտից
Ազգային ժողովում Հայաստան խմբակցության պատգամավոր Գեղամ Մանուկյանը հենց խոսեց դավաճանությունից, անվտանգության աշխատակիցները եկան նրան դահլիճից դուրս հանելու։
Իսկ պատգամավորն իր ելույթում ասում էր հետևյալը․ «Սրիկայությունը շատ օրինակներով կարելի է ասել, բայց Արցախ ուրացողը դավաճան է, դա դավաճանություն է։ Ինչպես քիչ առաջ ելույթ ունեցողը (Վիգեն Խաչատրյանը) վերջերս լրատվամիջոցների առաջ էր Արցախն ուրացել»։
Գեղամ Մանուկյանի ելույթը հիստերիայի հասցրեց ԱԺ փոխնախագահ Ռուբեն Ռուբինյանին, ով անմիջապես հրահանգեց անջատել պատգամավորի խոսափողը, ապա ներս հրավիրեց անվտանգության աշխատակիցներին նրան դահլիճից դուրս հանելու համար։