Թրամփը Փհենյանի սպառնալիքից ԱՄՆ-ի պաշտպանությունը առաջնահերթ խնդիր է համարում
ԱՄՆ-ն պատրաստ է հասանելի միջոցների ամբողջ սպառազինությունն օգտագործել Հյուսիսային Կորեայի կողմից աճող սպառնալիքից ամերիկյան քաղաքացիներին պաշտպանելու համար: Օգոստոսի 22-ին այս մասին հայտարարել է Ժնեւում ընթացող Զինաթափման համաժողովում ԱՄՆ ներկայացուցիչ Ռոբերտ Վուդը, հայտնում է ՏԱՍՍ-ը:
«Հյուսիսային Կորեայի միջուկային եւ հրթիռային ծրագիրը ամբողջ աշխարհին լուրջ սպառնալիք է ներկայացնում: Իմ նախագահ Դոնալդ Թրամփի համար առաջնային խնդիր է մնում հյուսիսկորեական ագրեսիայից ամերիկյան տարածքների եւ մեր դաշնակիցների պաշտպանությունը: Մենք պատրաստ ենք Հյուսիսային Կորեայի կողմից աճող ապռնալիքի դեմ օգտագործել հասանելի միջոցների ամբողջ սպառազինությունը»,- Վուդին մեջբերել է Reuters-ը:
Ըստ որում՝ նա նշել է, որ երկխոսության հնարավորությունը նախկինի պես Հյուսիսային Կորեայի համար տարբերակներից մեկն է մնում: