ՆԱՏՕ-ի անդամները դաշինքի կանոնադրությամբ պարտավոր չեն պաշտպանել Գուամ կղզու տարածքը
ՆԱՏՕ-ի անդամ պետությունները, դաշինքի կանոնադրության համաձայն, պարտավոր չեն պաշտպանել Գուամ կղզու տարածքը, որը գտնվում է Խաղաղ օվկիանոսում ու ԱՄՆ-ին է պատկանում, չնայած պաշտոնապես չի մտնում երկրի կազմի մեջ։ ՆԱՏՕ-ի ներկայացուցիչը հայտնել է դաշնակիցների համար նախատեսված աջակցության կապակցությամբ տարածքային սահմանափակումների մասին։
ՆԱՏՕ-ի կանոնադրության 5-րդ հոդվածում ասվում է, որ դաշինքի անդամներից մեկի վրա հարձակումը դիտարկվելու է որպես հարձակում ընդհանուր դաշինքի վրա։ Ընդ որում 6-րդ հոդվածում ասվում է, որ այդ կանոնը տարածվում է միայն Եվրոպայի, Հյուսիսային Ամերիկայի, Թուրքիայի վրա, նաեւ այն կղզիների, որոնք գտնվում են Հոյւսիսատլանտյան գոտում։ Իսկ Գուամ կղզին այդ տարածքի սահմաններից դուրս է։
Այսպիսով, Հյուսիային Կորեայի կողմից հարձակման դեպքում Գուամի պաշտպանության մասին որոշումը զուտ քաղաքական է լինելու։ Չնայած ՆԱՏՕ-ում որոշ աղբյուրներ նշել են, որ դաշնակիցները դժվար թե մերժեն ԱՄՆ-ին օգնություն տրամադրել՝ կանոնադրության 6-րդ հոդվածը վկայակոչելով։