Toyota-ն ստեղծել է մահճակալով, խոհանոցով ու լվացարանով մինիվեն
Toyota ընկերությունը Գերմանիայի շուկա է հանել Proace մինիվենի նոր տարբերակը, որը նախատեսված է բնության գրկում հանգստի սիրահարների համար։ Մոդելն ունի քեմփինգի համար բոլոր անհրաժեշտ սարքավորումները, այդ թվում մահճակալ, հայտնում է Motor-ը։
Ճանապարհորդների համար Proace մինիվենը պատրաստվել է QUQUQ պրոֆիլային ընկերության հետ համատեղ։ Ուղեբեռի բաժնում հայտնվել է ծալովի մահճակալ, նաեւ գազօջախ ու խոհանոցային զանազան հարմարանքներ։ Այնտեղ կա նաեւ ջրի համար ռեզերվուար ու փոքր լվացարան։
Ընկերությունից հայտնել են , որ մինիվենը կարելի է պատվիրել թե հինգ, թե յոթ տեղանոց սալոնով։
Հավելավճարի դիմաց գնորդներին կառաջարկեն նաեւ ծալովի սեղանիկ ու աթոռներ, նաեւ Dachzelt ARB Simpson III հատուկ վրան, որը դառնում է մեքենայի շարունակությունը։
Գերմանիայում մինիվենի նվազագույն գինը 35 300 եվրո է։
Նման մինիվեներ են արտադրում նաեւ Mercedes-Benz ու Volkswagen ընկերությունները։