Ես ավելին ասեմ, որ որպես քաղաքական գործոն չկա նաև «Իմ քայլը» խմբակցությունը՝ զուտ բուտաֆորի է
Այսօր ԱԺ տապալված նիստի հետ կապված Էդմոն Մարուքյանն ասում է, որ ՀՀ Ազգային ժողովը չունի նախագահ։ Ես ավելին ասեմ, որ որպես քաղաքական գործոն չկա նաև «Իմ քայլը» խմբակցությունը՝ զուտ բուտաֆորիա է։
Պառլամենտը հենց խոսելու տեղ է, հայտարարություններ անելու տեղ է, քաղաքական գործընթացները քննարկելու, լուծումներ գտնելու տեղ է։ Սակայն, պառլամենտական իշխող մեծամասնությունը վերածվել է որոշումներ դակող խմբի։ Խոսել ցանկանում է բացառապես Նիկոլ Փաշինյանը՝ ֆեյսբուքյան լայվերով կամ հանրահավաքներում ու երթերում։ Նիկոլ Փաշինյանը 3 տարվա ընթացքում իր քայլերով անգամ չմոտեցավ բարձր պետական պաշտոն ունեցողի կարգավիճակին, ինքը մնաց պերմանենտ ու պրոֆեսիոնալ հեղափոխական։ Իսկ գործիչների այդ տիպը չի կարող պետություն ղեկավարել՝ քանի որ հեղափոխությունները միտված են քանդելու, իսկ պետություն ղեկավարելը քանդելուն հակառակ գործընթաց է։