1USD = AMD
1EUR = AMD
1RUB = AMD
Այսօր՝ 15 հուլիսի 2018թ., 00:00
Աշխարհի առաջնության եզրափակիչը լուսանկարներով Ֆրանսիան դարձավ աշխարհի կրկնակի չեմպիոն Վրաստանի խորհրդարանը վստահության քվե տվեց փոփոխված կառավարությանը Թրամփը Մեյին խորհուրդ է տվել դատի տալ Եվրամիությանը ՀՀԿ-ն եւս Երեւանում ցանկանում է արտահերթ ընտրություններ անցկացնել Պուտինն ու Էրդողանը հեռախոսով քննարկել են ոչ թե Արցախի, այլ Սիրիայի հարցը Ֆրանսիա-Խորվաթիա՝ ժամը 19-ին (հավաքականների կազմերը) Երևանում սեռական բնույթի բռնի գործողությունների զոհ է դարձել 8-ամյա երեխա. կասկածյալը ձերբակալվել է Մի՞թե միայն Մալիշկայի գյուղապետն է ընտրակաշառք բաժանել Իլհամ Ալիևը մեծ հույսեր է կապում Ֆրանսիայի հետ՝ ղարաբաղյան հակամարտության կարգավորման հարցում «Ելքը» որոշել է Երեւանում արտահերթ ընտրությունների գնալ Վանաձոր-Ալավերդի-Վրաստան ավտոճանապարհը փակ է․ ԱԻՆ Արթուր Աղաբեկյան. «Պարոնա՛յք, մի խայտառակեք ռեսպուբլիկան» «Արսենալ»-ն 8:0 հաշվով հաղթանակ է տարել. Մխիթարյանը դարձել է գոլի հեղինակ ՆԱՏՕ-ի հետ Հայաստանի համագործակցությունը ստեղծում է անվտանգային շերտ, որը չեն կարող ճեղքել ո՛չ Ադրբեջանը, ո՛չ Թուրքիան. Ստանիսլավ Տարասով Բելգիան երրորդն է, իսկ Անգլիան՝ չորրորդը Կաթողիկոսի ճանապարհը մի կերպ բացվեց Կաթողիկոսի կյանքին վտանգ է սպառնում, իսկ իրավապահները լռում են Ընդունված դիմորդների անվանացանկը կփակցվի հուլիսի 15-ին Ադրբեջան այցելած հայկական արմատներով բլոգերն ահազանգում է իր կյանքին սպառնացող վտանգի մասին «Սպայկա»-ն պետբյուջե չի վճարել 2 միլիարդ 45 միլիոն դրամ. հարուցվել է քրեական գործ Կայացել է Հայաստանի Գավաթի 2018/19 խաղարկության վիճակահանությունը ՍԱՍ-ը՝ արաբների տեսադաշտում. Արտակ Սարգսյանը կվաճառի՞ սուպերմարկետների ցանցը Պարտքի համար մի ամբողջ ընտանիք պատանդ էին վերցրել Զբոսանք, խաղեր, հանդիպումներ. Մելանյա Թրամփը լավ ժամանակ է անցկացրել Թերեզա Մեյի ամուսնու հետ (լուսանկարներ, տեսանյութ) Աշխարհի ոսկու պաշարները սպառվում են «Ռեալի» պաշտոնական հայտարարությունը Նեյմարի վերաբերյալ Արարատ Միրզոյանը, որ դեմ էր 1-ին փոխվարչապետի ինստիտուտին, այժմ այդ «բարիքներից» է օգտվում Բաքվում բախտագուշակ խաբեբաները կողոպտել են քաղաքացիներին ՝ «ոգիների համար հյուրասիրություն կազմակերպելու» պատրվակով Տաշիրի քաղաքապետը 40 միլիոն դրամից ավելի գումար է հայտարարագրել. 4 անշարժ գույք ունի Խուզարկել են Արթուր Աղաբեկյանի հայրական տունը, «Մետաքսկոմբինատում» եւ Տողի «Նոր Կյանք» ջրաշխարհում Աշտարակի քաղաքապետի Lexus-ը տեղափոխել են «գաի պլաշչադկա» Մաշադյանը սկսել է իր ծանոթ-բարեկամներին տեղավորել ՊԵԿ-ում Գորիսի 27-ամյա միլիոնատեր քաղաքապետը Աշոտ Արսենյանը որոշել է վաճառել «Ջերմուկ գրուպ»-ը եւ լքել Հայաստանը Սամ­վել Ալեք­սա­նյա­նը բարձ­րաց­նում է գնե­րը Ինչպես է իտալացին հատուցել կնոջը դավաճանելու փորձի համար Յուրացվել է ենթասպաներին հատկացված պարգեւավճարների զգալի մասը Ուկրաինացի քաղաքական գործիչը հարձակվել է իրեն դիտողություն արած կնոջ վրա ՊՆ-ն ուսումնասիրում է ծառայությունից ազատված պաշտոնյաների զավակների գործերը Արմեն Սարգսյանը մեկնել է Մոսկվա Իրականացել է Թուրքիայի պատմության ամենախոշոր ռազմարդյունաբերական գործարքը Զանգվածային անկարգություններ եւ ձերբակալություններ Ադրբեջանում Սպասվում է օդի ջերմաստիճանի նվազում «Adidas»-ն արդեն 45 մլն եվրո է աշխատել Ռոնալդուի Յուվենթուս տեղափոխվելուց Կոչ ենք անում զերծ մնալ բժկական կենտրոնը քաղաքական հաշվարկների մեջ ներքաշելու ցանկությունից Զարուհի Փոստանջյանը պաշտոնապես առաջադրվեց Երեւանի քաղաքապետի թեկնածուի պաշտոնում ՆԱՏՕ-ի գագաթնաժողովին ոտքերի վրա հազիվ կանգնող Յունկերը գրեթե ընկել է Պորոշենկոյի վրա Հայաստանը մնում է Ռուսաստանի դաշնակիցը, սակայն կզարգացնի հարաբերություններն Արեւմուտքի հետ. Փաշինյան Մոդրիչ. Շնորհակալ եմ Ռոնալդուին Ադրբեջանում սպանել են ՆԳՆ գնդապետների հաշվեհարդարին մասնակցածներից մեկին Իլյումժինովը հեռացվել է ՖԻԴԵ-ի նախագահի պաշտոնից ԱԺ-ում 4 քաղաքական ուժերը քննարկում են ընտրական օրենսգրքի փոփոխությունները Բիթքոինը վաճառվում է 6.3 հազար դոլար նիշից ցածր Արգենտինան Ռուսաստանին խնդրել է ձերբակալել և արտահանձնել Իրանի ԱԳ նախկին նախարարին Թրամփը վստահ է՝ տնտեսական «ցավը» կստիպի Իրանին ԱՄՆ-ի հետ գործարքի գնալ Քաղաքացին կամավոր մեծ քանակությամբ զենք-զինամթերք է հանձնել Պոլիկլինիկաների և ամբուլատորիաների 10 հազար բժշկի և միջին բուժանձնակազմի աշխատավարձերը կբարձրանան Ղարաբաղյան հակամարտությունը պետք է կարգավորվի միայն խաղաղ ճանապարհով. Նիկոլ Փաշինյանի հարցազրույցը Euronews-ին Ջասթին Թրյուդոյին բուռն քննադատության են ենթարկել՝ Բելգիայի վարչապետի կնոջը համբուրելու համար (տեսանյութ) Ահա թե ինչով է զբաղվել Չեխիայում Հայաստանի դեսպանը Փոխել անհատին, թե՞ համակարգը ՀՀ-ում ՃՏՊ-ների քանակն ավելացել է գրեթե 2 անգամ Կաթողիկոսի հրաժարականը պահանջող նախաձեռնության անդամները կրկին դիմել են սադրիչ գործողությունների Գիտնականները հայտնել են ուրբաթ գերլուսնի կողմից Արեւի խավարման մասին ՀՀԿ-ում աշնանը հետաքրքիր վերափոխումներ կլինեն Չարաշահում եւ հավելագրում չի եղել՝ որ կողմից էլ նայես. Արա Մինասյան Ի վերջո ո՞վ կփոխարինի Ռուբեն Հայրապետյանին Սամվել Ալեքսանյանը շաքարավազի շուկայում մնում է գերիշխող Առողջապահության նախարարը հանձնարարել է ամեն գնով չարաշահումներ գտնել «Գրիգոր Լուսավորիչ» ԲԿ-ում Սպիտակի քաղաքապետի ունեցվածքը. Նա ունի 9 անշարժ գույք եւ գնել է նոր առանձնատուն Ե՞րբ Փաշինյանը կլուծարի Երեւանի ավագանին Նախարարն առաջարկել է ուռուցքաբանության կենտրոնը տալ Լֆիկ Սամոյի կառավարմանը Չավուշօղլուն Բրյուսելում Նիկոլ Փաշինյանին շնորհավորել է վարչապետ ընտրվելու կապակցությամբ Ադրբեջանի նախագահի հետ հանդիպման մասին խոսակցություն չկա Մակրոնը, Պորոշենկոն և Ցիպրասը Փաշինյանին հրավիրել են իրենց երկրներ Նիկոլ Փաշինյան. «ԼՂ խնդիրը պետք է կարգավորվի բացառապես խաղաղ ճանապարհով» Ռուսաստանը պատրաստվում է ներդրումներ իրականացնել Իրանի էներգետիկ ոլորտում Ալեքսիս Օհանյանի մանկության լուսանկարն ու հուզիչ պատմությունն իր հոր մասին Օրվա կադրը. Երեւանյան շոգից տանջվող շունը
Հարցում

1984: Սովետական ամառային արձակուրդ

Լուսինե Հովհաննիսյան

Վոլգան ու Դոնը այն գետերն են, որոնք խավարչտին խորհրդային տարիներին փոխարինում էին միջերկրածովյան կրուիզների մասին երազել համարձակված սովետական մարդու երազների միջի Միջերկրական ծովին, իսկ Յարոսլավլ, Տոլյատի,Կոստրոմա, Ուգլիչ և Չեբոկսարի ու այլ պատմական քաղաքները՝ Ֆրանսիայի, Իտալիայի, Հունաստանի և մյուս մանր-մունր երկրների ծովափնյա քաղաքներին:

Քանի որ անիմանալի են Աստծո ճանապարհները, նա ստեղծել էր «Դնեպր» նավը, որն ամեն ամիս տրամադրվոմ էր տասնհինգ հանրապետություններից մեկին, ու Դոնի վրա գտնվող Ռոստով քաղաքում հավաքվում էր «Դնեպր»-ի ուղեգիր ունեցող տվյալ եղբայրականի հախուռն ու համերաշխ անձնակազմն ու երեկոյան կողմ նստում նավ: Ու հատկապես, երբ գետերից հետո, նավը հայտնվում էր Ցեմլյանսկի ջրմաբարի հատվածում, սովետական մարդն ազատ կարող էր երևակայել, որ սա ծովի կրուիզ է:

Հուլիսյան այդ օրը Հայաստանի Սովետական Սոցիալիստական Հանրապետության անձնակազմի օրն էր: Դոնի Ռոստովում մեղմ ամառ էր:

Խորհրդային երկիրը, որն իրենից հետո թողեց ողնուղեղային չհիմնավորված կարոտախտ, երբեք հյուրանոցի ազատ տեղ չէր ունենում: Հյուրանոցի անհասանելիությունը պրոլետար ժողովրդի հանդեպ իր իսկ ստեղծած համակարգի լուռ վրեժներից մեկն էր՝ կենցաղային նվաստացման ճանապարհով: Նախքան նավ նստելը, Ռոստով անուշիկ քաղաքում մի գիշեր էր պետք անցկացնել …. և մեզ տեղավորեցին հյուրանոցի «Կարմիր սենյակում»: Նոր՝ հեշթեգային սերնդի համար պարզաբանեմ, որ «Կարմիր սենյակը» նվիրված էր կոմունիզմին և նրա անթաղ առաջնորդ Լենինի կյանքին ու գործին, և այդպիսի սենյակներ կային բոլոր քիչ, թե շատ ազդեցիկ հիմնարկներում: Սենյակը գիշերելու համար չէր նախատեսված բնականաբար, այլ՝ հասարակական գիտակցությունը բարձրացնելու, բայց սովետական ժողովուրդը նաև հնարամիտ էր և գիտակցությունը բարձրացնելու համայնավարական պահանջմունքի բավարարումը համատեղում էր գիշերելու պարզունակ, բայց ավելի շոշափելի պահանջմունքի հետ, և քանի որ Ռոստովը հարավային Ռուսաստան էր՝ այստեղ մարդիկ համեմատաբար կարեկցող ու տաք էին ու մեզ դրսում չթողեցին:

Չգիտեմ մյուսների համար ինչպես, բայց դա իմ առաջին ու միակ գիշերն էր Վոլոդյա Ուլյանովի հետ: Բոլոր պատերին ինքն էր. վաղ մանկության գեղագանգուր տեսքով, գիմնազիստի աղվամազոտ պատկերով, սկսնակ հեղափոխականի նպատակասլաց ու մտահոգ կերպարով , «Իսկրայի» համարը ձեռքին՝ արդեն որպես առաջնորդ: Ռոստովի լույսերը ընկնում էին մե՛կ Մարիա Ալեքսնադրովնայի գերմանական խստաբարո դեմքին, մե՛կ Նադեժդա Կոնստանտինովնայի հոգնած հայացքին: Գիշերը Լենինի հետ անցավ իրար միացրած չոր աթոռների վրա: Բացի մեզնից՝ երեք տարեց հայ կին էլ կար սենյակում, որոնց պրոֆմիությունը «Վոլգա-Դոնի» ուղեգիր էր տվել: Իրենց համար գիշերը ծանր էր կրկնակի: Կանանց բախտը մի բանով էր բերել՝ որ թիվն ուրիշ էր, որովհետև անեծքների այն տարափը, որ հուլիսյան այդ աստղաշատ գիշեր կանայք թափում էին Լենինի գլխին՝ ոչ վաղ անցյալում կավարտվեր հեռավոր Ամուր կամ Ենիսեյ գետի ափերին քսանամյա «կրուիզով»:

Գիշերն անցավ…

Հաջորդ օրը՝ երեկոյան, հայերը նստում էին նավ: Ռոստովը մնաց առանց մեզ, բայց մեզ էին սպասում Մոսկվան, Կույբիշևը, Յարոսլավլը, Կոստրոման, Ուգլիչը, Գորկին, Ուլյանովսկը, Տոլյատին, Վոլգոգրադը, Չեբոկսարին, Կազանը, Մոսկվան…

Մարդիկ, որոնց վիճակված է միասին քսանչորս օր անցկացնել՝ սկսում են իրար ուսումնասիրել հենց առաջին վայրկյանից: Մեր փոխուսումնասիրությունը սկսվել էր կառամատույցից:

Հայերը օտար օդանավակայաններում, կառամատույցներում, ավտոկայաններում հավաքվում են ոչ թե չվերթի թվի, կառամատույցի համարի, ավտոբուսի ուղերթի, այլ՝ իրար վրա: Մարդիկ որպես ուղեցույց փնտրում են չվերթի համարը, նավի վրա գրված անվանումը, իսկ հայերը փնտրում են իրար՝ «հենա, հայեր են» ասելով:

Երբ նավասանդուղքով, իրար հրելով բարձրանում էինք, հընթացս ծանոթանալով ու ներկայանալով իրար, ոչ ոք չէր մտածում, որ քսանչորս օրվա մեջ դրա համար ահագին ժամանակ կլինի:

Բոլորը կամ խմբով էին, կամ ընտանիքով, կամ զույգով, միայն մի մարդ էր մի քիչ անհավես, մենակ, մի քիչ չսափրված, հոգնած: Նավասենյակի դուռը բացելու պահին տեսանք, որ մարդը մեր հարևանն է լինելու:

Մարդն իրոք մենակ էր ճամփորդելու: Տեղավորվելուց հետո ութերորդ դասարանցու առաջին գործը նավն ուսումնասիրելը պիտի լիներ, իհարկե: Երբ անցնում էի մեր կողքի մարդու նավասենյակի արդեն հետնամասով, տեսա, որ պատուհաններից խնամքով մի բան էր կախում: Նույն պահին անհարմար զգացի մոտենալ, բայց շատ հետաքրքրեց, որովհետև ուրիշ ոչ մեկի մտքով չէր անցել տախտակամած դուրս եկող պատուհաններից բան կախել:

Երեկոյան, երբ գետի երկնագույն երիզից այն կողմ հսկա արևի գունդը պատրաստվոմ էր մայր մտնել՝ հսկա գետի հոսքի հսկողությունը թողնելով նորաստեղծ լուսնին, ես պարզեցի, որ Վոլգա և Դոնի գետերով հպարտ սահող «Դնեպր» նավի մեր ուղեկիցը տախտակամած դուրս եկող նավախցի քառակուսի լուսամուտներից կախել էր հայկական բաստուրմայի պատկառելի կտորներ:

Այլևս նրան չտեսանք: Միայն մի գիշեր, երբ «Դնեպր» նավը սահուն մտել էր Ցեմլյանսկի ջրամբար ու Վոլգայի, սովորականի պես երևացող ափերը անհետացել էին, ու մենք հայտնվել էինք ծովում, նավախցի դուռը ծեծեց մեր հարևանը ու նախ, հորս տեղեկացրեց, որ ինքը Սամոն է, հետո իրոք վախեցած հարցրեց. «Ախպեր ջան, էս ուր ենք, հո բան չի էղե՞լ»: Նավարկության մոտավորապես տասներորդ օրն էր այդ օրը, և Սամոյից տասը օրվա օղու հոտ էր գալիս:

Հաջորդ օրերին նրան նորից ոչ ոք չտեսավ:

Միայն քսաներեքերորդ օրը, երբ հանգստացողների ուժերով հրաժեշտի համերգ էր հայտարարված՝ Սամոն հայտնվեց ճերմակ վերնաշապիկով: Նա մտավ դահլիճ, երբ բոլորն արդեն նստած էին, տեղավորվեց մեզնից մի շարք վերև: Սամոյի պրոլետարական օդեկոլոնի հոտը օդում լողաց, կպավ բոլորիս օձիքներին, իշխեց ամառային դահլիճում նախապատրաստեց անսովոր մի բանի:

Մի ջահել կին էր բեմ բարձրացել ու լուրջ թախիծ սփռելով՝ «Կռունկ» էր երգում: «Կռունկ, ուստի կուգաս»: «Կռունկ, մեր աշխարհեն խաբրիկ մը չունի՞ս»: Այնքան լավ էր երգում, որ ճաշարանի մատուցող Լառան, ով անտանելի զզված էր երևում եղբայրական հանրապետությունների հարավային հատվածի արական սեռից ու միշտ չոր էր, կրակագույն մազերը առանց դիտավորության մինչև գոտկատեղ թափած, ոչ մեկին առանձանապես չնկատող, կրծքերի մեջտեղում բրոշով ամրացրած սպիտակ գոգնոցով խոնավ ձեռքերը մաքրելով՝ մտավ դահլիճ ու նստեց առաջին ազատ աթոռին՝ Սամոյի կողքին: Հուզված էր Լառան, շշմած էր երգից: Ու առանց տեսնելու խոսակցին, կիսամութ դահլիճում թեքվեց դեպի Սամոն ու պովոլժիեյի մելամաղձոտ ձայնով հարցրեց. «Ա չյոմ պեսնյա»:

Սամոն գլուխը թեքեց դեպի ռուս մատուցողուհին ու տեղյակ մարդու խաղաղ վստահութամբ պատասխանեց. «Ա վառաբեյ»:

hetq.am

website by Sargssyan