Տնօրեն. Գ. Սունդուկյանի անվան ազգային ակադեմիական թատրոնը կվերսկսի իր գործունեությունը փետրվարի 23-ից
Գ. Սունդուկյանի անվան ազգային ակադեմիական թատրոնի 100-ամյա տոնակատարության նախապատրաստական աշխատանքներն ընթացի մեջ են, իսկ մեր գործունեությունը կվերսկսվի փետրվարի 23-ից: Այս մասին այսօր՝ փետրվարի 19-ին, լրագրողների հետ հանդիպման ժամանակ ասաց Գ. Սունդուկյանի անվան ազգային ակադեմիական թատրոնի տնօրեն Վարդան Մկրտչյանը՝ ներկայացնելով այս տարվա ծրագրերը:
Նրա խոսքով՝ փետրվարի 23-ին հանդիսատեսի դատին կհանձնվի վերջին շրջանում նրանց լավագույն աշխատանքը՝ Քեն Քիզիի «Թռիչք կկվի բնի վրայով» վեպի համանուն ներկայացումը, որը վերածվել է թատերական ներկայացման ձեւաչափի Արմեն Էլբակյանի կողմից:
«Դա մեծ ձեռքբերում է թատրոնի համար: Հանդիսատեսն արդեն հասցրել է սիրել այդ ներկայացումը»,-ասաց Մկրտչյանը: