Ինչու Ալիեւն ու Պուտինը չէին թաքցնում ժպիտները (Տեսանյութ)
ՌԴ նախագահ Վլադիմիր Պուտինը երեկ Սոչիում հանդիպել է Ադրբեջանի նախագահ Իլհամ Ալիևի հետ:
Վլադիմիր Պուտինն ասել է, թե ակնկալում է, որ Ալիևի հետ հանդիպումը կնպաստի տարածաշրջանային խնդիրների լուծմանը:
«Ուրախ եմ մեր երկկողմ հարաբերությունների, ինչպես նաև տարածաշրջանում ստեղծված ոչ պարզ իրավիճակի մասին խոսելու հնարավորության համար»,- նշել է Պուտինը:
«Հուսով եմ՝ այսօրվա մեր հանդիպումը ևս կնպաստի բոլոր բարդ խնդիրների լուծմանը, ինչպես նաև Ադրբեջանի և Ռուսաստանի միջև երկկողմ հարաբերությունների զարգացմանը»,-ասել է Պուտինը:
Նա նշել է, որ Մոսկվան և Բաքուն ապագայի համատեղ ծրագրեր ունեն:
« Կոնսուլտացիաների անհրաժեշտություն կա, կապված ինչպես տարածաշրջանային եւ համաշխարհային քաղաքական գործընթացների հետ, այնպես էլ տարածաշրջանի անվտանգության հարցերի հետ կապված»,-նշել է Ալիեւը:
Բնականաբար,զրույցի հիմնական թեման վերաբերվել է Լեռնային Ղարաբաղի հիմնախնդրի կարգավորմանը եւ ԵՏՄ-ին Ադրբեջանի հնարավոր անդամակցությանը:
Հայաստանի շուրջ վտանգավոր զարգացումներ են ընթանում, իսկ հայ քաղաքական միտքը քնած է: Հայաստանում անտարբեր են նույնիսկ այս հանդիպման նկատմամբ:
Top-News.am