Հինգշաբթի, 19 Հունվարի 00:08
 ՀԱՅԱՍՏԱՆ  ԼՂՀ  ԱՇԽԱՐՀ  ՓՈՂԵՐ  ՄԱՐԴԻԿ  ԱՌԱՋԸՆԹԱՑ  ԽՃԱՆԿԱՐ 

Այսօր կներկայացվի Iphone 7-ը

2016-09-07 13:35:10

 Հաշված ժամեր են մնում Apple ընկերության կողմից նոր Iphone7 հեռախոսի ներկայացմանը, որը տեղի կունենա Սան Ֆրանցիսկոյում սեպտեմբերի 7-ին, տեղական ժամանակով առավոտյան 10-ին: Մասնագետների խոսքով սակայն, նոր Iphone7-ը շատ չի տարբերվելու իր նախորդ Iphone6s տարբերակից:

Թեեւ Apple ընկերությունը, հավատարիմ մնալով իր ոճի, մինչեւ վերջին վայրկյանը որեւէ պաշտոնական հայտարարություն չի անում, մասնագետները պնդում են, որ հիմնական փոփոխությունն ականջակալի լարի միացման վերացումն է: Այսպիսով, Iphone7-ն աշխատելու է կամ ոչ լարային ականջակալներով կամ էլ՝ լիցքավորման միացման համար հարմարեցված հատուկ ականջակալներով:

Մասնագետների կարծիքով, Apple-ի կողմից լարային ականջակալներից հրաժարվելու հարցը, որը սոցցանցերում բազմաթիվ վեճեր է առաջացնում, թեժ քննարկումների առարկա է դարձել այն պատճառով, որ դրանից բացի նոր Iphone7-ը քիչ է տարբերվելու նախորդ սերնդի հեռախոսից: Նոր Iphone7-ն անշուշտ ունենալու է ավելի արագ պրոցեսոր եւ ավելի լավ տեսագրություններ է կատարելու: Այն նույնիսկ կարող է ջրակայուն լինել, սակայն իրականում հավանաբար չի արդարացնելու մարդկանց սպասումները, ովքեր ցանկանում են իրական թռիչքային առաջընթաց տեսնել, կարծում են մասնագետները:

Միեւնույն ժամանակ, շատերի կարծիքով նման կտրուկ առաջընթաց հնարավոր կլինի տեսնել հաջորդ տարի, քանի որ 2017-ին լրանում է նոր Iphone հեռախոսի առաջին տասնամյակը, որի կապակցությամբ ընկերությունը նախատեսում է իրականում հեղափոխական լուծումներով հեռախոս արտադրել:

Վերլուծաբանների կարծիքով, նման սպասումները կարող են բացասաբար անդրադառնալ նոր Iphone7-ի վաճառքների վրա, քանի որ շատերը կարող են նոր հեռախոս գնելու փոխարեն որոշել պարզապես մեկ տարի եւս սպասել՝ ակնկալելով գնել արմատապես նոր Iphone: Սակայն սրանք ընդամենը վարկածներ են, տեղեկացված մասնագետների վարկածներ, իսկ թե ինչպիսին է լինելու նոր Iphone7-ը հավանաբար պարզ կդառնա ընդամենը ժամեր անց:

Ամերիկայի ձայն



ՎԵՐԼՈՒԾՈՒԹՅՈՒՆՆԵՐ

ԹՈՓ ՎԻԴԵՈՆԵՐ

ԹՈՓ ՖՈՏՈՆԵՐ

ԹՈՓ ՑԻՏԱՏՆԵՐ
 Գյումրին և Վանաձորը չեն կարող իրարից անկախ էական զարգացում ապրել: Խնդիրները պետք է դիտել Հայաստանի երկու խոշոր քաղաքների զարգացման գաղափարախոսության և հստակ ծրագրի մեջ: Մենք համոզված ենք, որ պետք է որպես առաջնահերթ խնդիր դնել խոշոր ռեսուրսների հայթայթումը՝ Գյումրիի և Վանաձորի արտադրական հզորությունների, այդ քաղաքների՝ Հայաստանի և տարածաշրջանի համար պատմական, տնտեսական նշանակության վերականգնման համար:
Մենք չենք կարող մեզ թույլ տալ հայ-թուրքական սահմանին այսօրվա չքավորության, ծանր սոցիալական պայմաններում ապրող Գյումրի: Սա պետական անվտանգության խնդիր է: Գյումրին պետք է լինի արագ զարգացող, տնտեսապես գրավիչ, կենսունակ քաղաք:

Վարդան Օսկանյան
«Համախմբում» կուսակցության նախագահ

Գյումրի, 26.08.2016թ.
Այնպիսի տպավորություն է, որ Հայաստանը ղեկավարություն չունի կամ նույն այդ ղեկավարությունը չի նկատում ժողովրդին: Այս էլ որերորդ անգամ երկրի առաջին դեմքերը լռում են եւ ոչինչ չեն ասում: Լռում է Սերժ Սարգսյանը, Գալուստ Սարգսյանը, Հովիկ Աբրահամյանը: Լռում են այնպես, ինչպես ապրիլյան արյունալի մարտական գործողությունների ժամաբնակ, ինչպես մյուս բոլոր կարեւոր իրադարձությունների ժամանակ: Լռում են, հետո զարմանում, թե ինչու ժողովուրդն իրենց չի վստահում կամ չի աջակցում: Այսքանից հետո ինչպես աջակցի:

«Համախմբում» կուսակցության վարչության անդամ Գեղամ Նազարյան

18.07.2016թ.

 Բարի մարդկանց կարիքը կա, որ գործնականում օգնեն մարդկանց, կարիքը կա ավելի արդար հասարակության, որտեղ յուրաքանչյուրը կարողանա արժանավայել կյանք վարել եւ արդարորեն հատուցվող աշխատանք ունենա:

Հռոմի պապ Ֆրանցիսկոս
Հայաստան, Գյումրի, 25.06.2016թ.
Չեմ բացառում Արցախի անկախության ճանաչումը եւ կարծում եմ, որ բանակցային գործընթացի հետ կապված Ադրբեջանի կեցվածքը ուղղակի պարտադրում է հայկական կողմին այս հարցերում ավելի վճռական քայլերի դիմել: Ինչպիսին կլինեն այդ քայլերը՝ անկախության ճանաչո՞ւմ, թե՞ պայմանագրի ստորագրում. դա պետք է որոշի հաջորդ նախագահը եւ կառավարությունը:
Այս տասը տարվա ընթացքում երկու անգամ նման իրավիճակներ ունեցել եմ: Եւ եթե այն ժամանակ կտրուկ մոտեցումներ չձեռնարկեի, ապա շատ հավանական է, որ բանակցային գործընթացը շատ անբարենպաստ ձեւով շարունակվեր Հայաստանի համար: Չեմ կարծում, որ այդպես է: Իսկ եթե նույնիսկ այդպես է, ապա չպետք է վախենանք եւ այդ սպառնալիքի տակ գնանք ինչ-որ զիջումների:

ՀՀ 2-րդ նախագահ Ռոբերտ Քոչարյան
Ապրիլ 2008թ.
Կարելի է պնդել, որ Հայաստանում արդեն իսկ կան բազմաթիվ կուսակցություններ, որոնք կիսում կամ հնչեցնում են նմանատիպ մտահոգություններ, սակայն նշված խնդիրների իրագործումը ներկայիս քաղաքական դաշտը դեռևս չի կարողացել ապահովել: Հետևաբար, ողջունելի է նոր ուժը, որ կարող է այս տագնապալի ներքաղաքական և աշխարհաքաղաքական իրավիճակում կատարել 70 տոկոս աղքատություն ունեցող հասարակության չարդարացված սպասումներն ու վերականգնել հարյուր հազարավոր արտագաղթածների կորսված հույսերը:
Այսպիսով, քաղաքական նոր կուսակցության արդյունավետ գործողությունների հետևանքով կարող է տեղի ունենալ իրական ՀԱՄԱԽՄԲՈՒՄ:

ՀՀ Մարդու իրավունքների նախկին պաշտպան Կարեն Անդրեասյանի ՖԲ էջից 

ՀԵՏԵՎԵՔ ՄԵԶ
Top-News.am (c) 2011. Բոլոր իրավունքները պաշտպանված են: Էլեկտրոնային հասցե` [email protected]

Designed by Arevik Martirosyan
Created by Rudolf Perikhanyan