Երեքշաբթի, 17 Հունվարի 16:55
 ՀԱՅԱՍՏԱՆ  ԼՂՀ  ԱՇԽԱՐՀ  ՓՈՂԵՐ  ՄԱՐԴԻԿ  ԱՌԱՋԸՆԹԱՑ  ԽՃԱՆԿԱՐ 

«Համախմբումը» ակտիվ բանակցություններ է վարում քաղաքական ուժերի հետ (Տեսանյութ)

2017-01-11 10:45:51

«Համախմբում» կուսակցությունը վարչության նիստից հետո հայտարարում է, որ սկսում է ակտիվ բանակցություններ մի խումբ խորհրդարանական և ոչ խորհրդարանական ուժերի հետ ապրիլի ընտրություններին դաշինքով հանդես գալու հարցով։

Ազատությունը հայտնում է, որ կուսակցության փոխնախագահ Ստեփան Մարգարյանը, փակագծերն ամբողջովին չբացելով, չի հերքում, որ քննարկումներ ընթանում են նաև «Ժառանգություն» կուսակցության, Պաշտպանության նախկին նախարար Սեյրան Օհանյանի հետ, եղել են խորհրդակցություններ նաև «Բարգավաճ Հայաստան»-ի հետ․

«Ժամանակը շատ քիչ է: Կարծում եմ, որ շուտով արդյունքը կունենանք այս կամ այն ձևով: Ունենք երկուստեք պայմանավորվածություններ՝ առայժմ չհրապարակել մինչև վերջնական համաձայնություն կայանալը բոլոր ուժերի հետ»:

Մարգարյանի խոսքով՝ վերջին շրջանում փորձում էին հասկանալ, թե կա արդյոք գաղափարական հենք, որը կարող է միավորել «Համախմբում» կուսակցությունն այլ ուժերի հետ, և, նրա խոսքով, այս հարցում հաջողության հասել են. կան ուժեր, որոնք պատրաստ են իրենց տարաձայնությունները դնել մի կողմ․

«Քաղաքական դաշինք կազմելը հենց այնպես չի լինում կուսակցության անունից կամ ինչ-որ զուտ անձնական հարաբերություններից: Այն պետք է վեր կանգնի դրանից: Պետք է ունենա գաղափարական հենք, որում պետք է ներառված լինեն Հայաստանի առաջ ծառացած բոլոր մարտահրավերները՝ անվտանգության հետ կապված խնդիրներն են, տնտեսության հետ կապված խնդիրներն են, Հայաստանի արտաքին քաղաքականության և տարածաշրջանային մեկուսացված լինելու հետ կապված խնդիրներն են»:

Այդ խնդիրները, Մարգարյանի համոզմամբ, հնարավոր է լուծել միայն լայն դաշինքներով ընտրություններին գնալու պարագայում: Նա հավելեց, որ եթե ընդդիմադիր դաշտը մեկ դաշինքով չի կարող հանդես գալ, գոնե պետք է ունենալ մի քանի դաշինքներ․

«Լայն դաշինքն է, որ երաշխիք է երկրում լուրջ, արմատական փոփոխությունների, որոնք իրենց հերթին երաշխիք են երկրի զարգացման: Եթե մրցակցությունը կամ նախընտրական գործընթացը գնում է մի քանի դաշինքների, քիչ թվով դաշինքների միջև, էլի դա երաշխիք է, որ հասարակությունը կարողանա կողմնորոշվել և քաղաքական ընտրություն կատարել»:

Մանրամասները՝ Ազատության տեսանյութում 



ՎԵՐԼՈՒԾՈՒԹՅՈՒՆՆԵՐ

ԹՈՓ ՎԻԴԵՈՆԵՐ

ԹՈՓ ՖՈՏՈՆԵՐ

ԹՈՓ ՑԻՏԱՏՆԵՐ
 Գյումրին և Վանաձորը չեն կարող իրարից անկախ էական զարգացում ապրել: Խնդիրները պետք է դիտել Հայաստանի երկու խոշոր քաղաքների զարգացման գաղափարախոսության և հստակ ծրագրի մեջ: Մենք համոզված ենք, որ պետք է որպես առաջնահերթ խնդիր դնել խոշոր ռեսուրսների հայթայթումը՝ Գյումրիի և Վանաձորի արտադրական հզորությունների, այդ քաղաքների՝ Հայաստանի և տարածաշրջանի համար պատմական, տնտեսական նշանակության վերականգնման համար:
Մենք չենք կարող մեզ թույլ տալ հայ-թուրքական սահմանին այսօրվա չքավորության, ծանր սոցիալական պայմաններում ապրող Գյումրի: Սա պետական անվտանգության խնդիր է: Գյումրին պետք է լինի արագ զարգացող, տնտեսապես գրավիչ, կենսունակ քաղաք:

Վարդան Օսկանյան
«Համախմբում» կուսակցության նախագահ

Գյումրի, 26.08.2016թ.
Այնպիսի տպավորություն է, որ Հայաստանը ղեկավարություն չունի կամ նույն այդ ղեկավարությունը չի նկատում ժողովրդին: Այս էլ որերորդ անգամ երկրի առաջին դեմքերը լռում են եւ ոչինչ չեն ասում: Լռում է Սերժ Սարգսյանը, Գալուստ Սարգսյանը, Հովիկ Աբրահամյանը: Լռում են այնպես, ինչպես ապրիլյան արյունալի մարտական գործողությունների ժամաբնակ, ինչպես մյուս բոլոր կարեւոր իրադարձությունների ժամանակ: Լռում են, հետո զարմանում, թե ինչու ժողովուրդն իրենց չի վստահում կամ չի աջակցում: Այսքանից հետո ինչպես աջակցի:

«Համախմբում» կուսակցության վարչության անդամ Գեղամ Նազարյան

18.07.2016թ.

 Բարի մարդկանց կարիքը կա, որ գործնականում օգնեն մարդկանց, կարիքը կա ավելի արդար հասարակության, որտեղ յուրաքանչյուրը կարողանա արժանավայել կյանք վարել եւ արդարորեն հատուցվող աշխատանք ունենա:

Հռոմի պապ Ֆրանցիսկոս
Հայաստան, Գյումրի, 25.06.2016թ.
Չեմ բացառում Արցախի անկախության ճանաչումը եւ կարծում եմ, որ բանակցային գործընթացի հետ կապված Ադրբեջանի կեցվածքը ուղղակի պարտադրում է հայկական կողմին այս հարցերում ավելի վճռական քայլերի դիմել: Ինչպիսին կլինեն այդ քայլերը՝ անկախության ճանաչո՞ւմ, թե՞ պայմանագրի ստորագրում. դա պետք է որոշի հաջորդ նախագահը եւ կառավարությունը:
Այս տասը տարվա ընթացքում երկու անգամ նման իրավիճակներ ունեցել եմ: Եւ եթե այն ժամանակ կտրուկ մոտեցումներ չձեռնարկեի, ապա շատ հավանական է, որ բանակցային գործընթացը շատ անբարենպաստ ձեւով շարունակվեր Հայաստանի համար: Չեմ կարծում, որ այդպես է: Իսկ եթե նույնիսկ այդպես է, ապա չպետք է վախենանք եւ այդ սպառնալիքի տակ գնանք ինչ-որ զիջումների:

ՀՀ 2-րդ նախագահ Ռոբերտ Քոչարյան
Ապրիլ 2008թ.
Կարելի է պնդել, որ Հայաստանում արդեն իսկ կան բազմաթիվ կուսակցություններ, որոնք կիսում կամ հնչեցնում են նմանատիպ մտահոգություններ, սակայն նշված խնդիրների իրագործումը ներկայիս քաղաքական դաշտը դեռևս չի կարողացել ապահովել: Հետևաբար, ողջունելի է նոր ուժը, որ կարող է այս տագնապալի ներքաղաքական և աշխարհաքաղաքական իրավիճակում կատարել 70 տոկոս աղքատություն ունեցող հասարակության չարդարացված սպասումներն ու վերականգնել հարյուր հազարավոր արտագաղթածների կորսված հույսերը:
Այսպիսով, քաղաքական նոր կուսակցության արդյունավետ գործողությունների հետևանքով կարող է տեղի ունենալ իրական ՀԱՄԱԽՄԲՈՒՄ:

ՀՀ Մարդու իրավունքների նախկին պաշտպան Կարեն Անդրեասյանի ՖԲ էջից 

ՀԵՏԵՎԵՔ ՄԵԶ
Top-News.am (c) 2011. Բոլոր իրավունքները պաշտպանված են: Էլեկտրոնային հասցե` [email protected]

Designed by Arevik Martirosyan
Created by Rudolf Perikhanyan