Երեքշաբթի, 17 Հունվարի 16:56
 ՀԱՅԱՍՏԱՆ  ԼՂՀ  ԱՇԽԱՐՀ  ՓՈՂԵՐ  ՄԱՐԴԻԿ  ԱՌԱՋԸՆԹԱՑ  ԽՃԱՆԿԱՐ 

Ucom-ը, Գագիկ Խաչատրյանը եւ բազմաչարչար հեռուստադիտողը

2016-08-17 21:58:08

Օլիմպիական խաղերի թոհուբոհի մեջ շատերը, հնարավոր է չնկատեցին, թե ինչ տեղի ունեցավ հեռուստաաշխարհում: Նախ «հ2»-ի պահանջով Ucom-ը, «Ռոստելեկոմը» եւ մյուս նմանատիպ ընկերությունները դադարեցրին Անգլիայի Պրեմիեր լիգայի խաղերի ցուցադրումը:

Այնուհետեւ Ucom-ը դադարեցրեց Չեմպիոնների լիգայի որակավորման վերջին փուլի հանդիպումների հեռարձակումը՝ այս անգամ «Արմենիայի» պահանջով:
Կարճ ասած՝ հայ հեռուստադիտողի նյարդերը քայքայելու, այս երկրից ավելի հիասթափեցնելու գործընթաց է գնում, որին հաճույքով մասնակից է դարձել ֆիննախ Գագիկ Խաչատրյանը, որը, ըստ սրճարաններում շրջանառվող համառ լուրերի շատ սերտ առնչություն ունի Ucom-ի հետ:

Անցած մրցաշրջանում, երբ կրկին «Արմենիայի» պահանջով դադարեցվեց ֆուտբոլի Չեմպիոնների լիգայի խաղերի հեռարձակումը, ՀՀ քաղաքացիների ակտիվ բողոքներից հետո Ucom-ը համաձայնության եկավ «Արմենիայի» հետ, եւ այն հանդիպումները, որոնք այդ հեռուստաալիքով չէին ցուցադրվում, չէին փակվում մյուս ալիքներով: Իհարկե, ոչ իդեալական լուծում, բայց Ucom-ի շատ բաժանորդներ այս փոխզիջումից հետո չհրաժարվեցին Ucom-ի ծառայություններից:


Հիմա ստացվեց այնպես, որ վերցրին եւ խախտեցին ձեռք բերված համաձայնությունը: Ստացվում է Գագիկ Խաչատրյանը սպասարկելով «Արմենիայի» շահերը՝ զոհում է Ucom-ը, քանի որ վերջին երկու հուժկու հարվածներից հետո բազմաթիվ են մարդիկ, ովքեր պատրաստվում են հրաժարվել Ucom-ից: Գաղտնիք չէ, որ շատերը վճարում են միայն ու միայն որակյալ եւ լիարժեք ֆուտբոլ դիտելու համար:

Իսկ հիմա զրկում են Անգլիայի առաջնությունից, զրկում են Չեմպիոնների լիգայից: Ի վերջո հայկական հեռուստաալիքը ցուցադրում էր Ստյաուա-Մանչեսթեր Սիթի խաղը, իսկ ռուսական «Մատչ»-ը՝ Այաքս-Ռոստով խաղը, որի հեռարձակումը եւս դադարեցվեց, ինչը ձեռք բերված պայմանավորվածության, տրված խոստման կոպիտ խախտում էր:

Պատահական չէ, որ սոցցանցերում արդեն նույնիսկ գրում են, թե Գագիկ Խաչատրյանը ոչ թե սպասարկում է «Արմենիայի» շահերը, այլ այդ հեռուստաընկերության անխոնջ աշխատակիցներից է:

Եւ վերջին հաշվով բավական է ծաղրի ենթարկել հայ հեռուստադիտողին: Ժամանակն է, որ Ucom-ը եւ մյուսները կարողանան լրջորեն խոսել հայ ֆուտբոլասերին ֆուտբոլից զրկող հեռուստաընկերությունների ղեկավարության հետ, հակառակ դեպքում կկորցնեն իրենց բաժանորդներին:


Հակոբ Ասատրյան



ՎԵՐԼՈՒԾՈՒԹՅՈՒՆՆԵՐ

ԹՈՓ ՎԻԴԵՈՆԵՐ

ԹՈՓ ՖՈՏՈՆԵՐ

ԹՈՓ ՑԻՏԱՏՆԵՐ
 Գյումրին և Վանաձորը չեն կարող իրարից անկախ էական զարգացում ապրել: Խնդիրները պետք է դիտել Հայաստանի երկու խոշոր քաղաքների զարգացման գաղափարախոսության և հստակ ծրագրի մեջ: Մենք համոզված ենք, որ պետք է որպես առաջնահերթ խնդիր դնել խոշոր ռեսուրսների հայթայթումը՝ Գյումրիի և Վանաձորի արտադրական հզորությունների, այդ քաղաքների՝ Հայաստանի և տարածաշրջանի համար պատմական, տնտեսական նշանակության վերականգնման համար:
Մենք չենք կարող մեզ թույլ տալ հայ-թուրքական սահմանին այսօրվա չքավորության, ծանր սոցիալական պայմաններում ապրող Գյումրի: Սա պետական անվտանգության խնդիր է: Գյումրին պետք է լինի արագ զարգացող, տնտեսապես գրավիչ, կենսունակ քաղաք:

Վարդան Օսկանյան
«Համախմբում» կուսակցության նախագահ

Գյումրի, 26.08.2016թ.
Այնպիսի տպավորություն է, որ Հայաստանը ղեկավարություն չունի կամ նույն այդ ղեկավարությունը չի նկատում ժողովրդին: Այս էլ որերորդ անգամ երկրի առաջին դեմքերը լռում են եւ ոչինչ չեն ասում: Լռում է Սերժ Սարգսյանը, Գալուստ Սարգսյանը, Հովիկ Աբրահամյանը: Լռում են այնպես, ինչպես ապրիլյան արյունալի մարտական գործողությունների ժամաբնակ, ինչպես մյուս բոլոր կարեւոր իրադարձությունների ժամանակ: Լռում են, հետո զարմանում, թե ինչու ժողովուրդն իրենց չի վստահում կամ չի աջակցում: Այսքանից հետո ինչպես աջակցի:

«Համախմբում» կուսակցության վարչության անդամ Գեղամ Նազարյան

18.07.2016թ.

 Բարի մարդկանց կարիքը կա, որ գործնականում օգնեն մարդկանց, կարիքը կա ավելի արդար հասարակության, որտեղ յուրաքանչյուրը կարողանա արժանավայել կյանք վարել եւ արդարորեն հատուցվող աշխատանք ունենա:

Հռոմի պապ Ֆրանցիսկոս
Հայաստան, Գյումրի, 25.06.2016թ.
Չեմ բացառում Արցախի անկախության ճանաչումը եւ կարծում եմ, որ բանակցային գործընթացի հետ կապված Ադրբեջանի կեցվածքը ուղղակի պարտադրում է հայկական կողմին այս հարցերում ավելի վճռական քայլերի դիմել: Ինչպիսին կլինեն այդ քայլերը՝ անկախության ճանաչո՞ւմ, թե՞ պայմանագրի ստորագրում. դա պետք է որոշի հաջորդ նախագահը եւ կառավարությունը:
Այս տասը տարվա ընթացքում երկու անգամ նման իրավիճակներ ունեցել եմ: Եւ եթե այն ժամանակ կտրուկ մոտեցումներ չձեռնարկեի, ապա շատ հավանական է, որ բանակցային գործընթացը շատ անբարենպաստ ձեւով շարունակվեր Հայաստանի համար: Չեմ կարծում, որ այդպես է: Իսկ եթե նույնիսկ այդպես է, ապա չպետք է վախենանք եւ այդ սպառնալիքի տակ գնանք ինչ-որ զիջումների:

ՀՀ 2-րդ նախագահ Ռոբերտ Քոչարյան
Ապրիլ 2008թ.
Կարելի է պնդել, որ Հայաստանում արդեն իսկ կան բազմաթիվ կուսակցություններ, որոնք կիսում կամ հնչեցնում են նմանատիպ մտահոգություններ, սակայն նշված խնդիրների իրագործումը ներկայիս քաղաքական դաշտը դեռևս չի կարողացել ապահովել: Հետևաբար, ողջունելի է նոր ուժը, որ կարող է այս տագնապալի ներքաղաքական և աշխարհաքաղաքական իրավիճակում կատարել 70 տոկոս աղքատություն ունեցող հասարակության չարդարացված սպասումներն ու վերականգնել հարյուր հազարավոր արտագաղթածների կորսված հույսերը:
Այսպիսով, քաղաքական նոր կուսակցության արդյունավետ գործողությունների հետևանքով կարող է տեղի ունենալ իրական ՀԱՄԱԽՄԲՈՒՄ:

ՀՀ Մարդու իրավունքների նախկին պաշտպան Կարեն Անդրեասյանի ՖԲ էջից 

ՀԵՏԵՎԵՔ ՄԵԶ
Top-News.am (c) 2011. Բոլոր իրավունքները պաշտպանված են: Էլեկտրոնային հասցե` [email protected]

Designed by Arevik Martirosyan
Created by Rudolf Perikhanyan